کراچی (این این آئی)پاکستان مسلم لیگ (ن )کے رہنما مفتاح اسماعیل نے کہا ہے کہ وزیراعظم عمران خان آخر پشاور بی آر ٹی کی تحقیقات کو کیوں روک رہے ہیں؟۔مفتاح اسماعیل نے اپنے بیان میں کہا کہ عمران خان نیب اور ایف آئی اے کو دھوکا دہی اور بد عنوانی کی تحقیقات سے روکنے کے لئے عدالت گئے۔رہنما مسلم لیگ ن نے کہا کہ شہباز شریف نے 29 کلومیٹر لاہور
بی آر ٹی27 ارب روپے میں تعمیر کی جس پر بدعنوانی کا الزام لگایا گیا، عمران خان نے 29 کلو میٹر پشاور بی آر ٹی 70 ارب روپے میں تعمیر کی جس کی اصل تعمیراتی قیمت 105 ارب ہے۔انہوں نے کہا کہ پی ٹی آئی کے ناسمجھ سپورٹر سمجھتے ہیں کہ پروجیکٹ میں بسیں شامل ہیں۔ دوسری جانب مسلم لیگ (ن) اسیر رہا ئی کمیٹی برائے اظہار یکجہتی قا ئد کے سیکر ٹری اطلاعا ت، ممبرپی ڈی ایم رابطہ کمیٹی لاہور محمد سلیم ر ضا نے کہا ہے کہ پی ٹی آئی حکومت قدم قدم پر عوام د شمن ثا بت ہو رہی ہے،عمران خان کی نااہلی ، مہنگا ئی ، بے روز گاری اور احتسا ب کے نام پر انتقامی سیا ست تار یخ کا حصہ بن چکی ہے، مخا لفیں کیخلا ف انتقامی کاروائیو ں کے باوجود عمران خان قوم کا اعتماد حاصل کرنے میں ناکام ہو چکا ہے۔ اپنے جاری بیان میں انہو ں نے کہاکہ بجلی ،گیس اور پٹرولیم مصنوعات سمیت اشیا خورو نوش کے ریٹس آسمانوں پر پہنچ چکے ہیں موجودہ حکمران اس قابل نہیں کہ انہیں مزید موقع دیا جائے، نواز شریف کے دور میں ملک خوشحالی کی جانب گامزن تھا لیکن موجودہ حکمرانوں نے اپنی نا اہلی کے ذریعے ترقی اور خوشحالی کا منجمد کرکے رکھ دیا ہے۔انہو ں نے کہاکہ ہر روز عوام کو ایک نئے بحران کا سامنا کرناپڑ رہا ہے ، اشیا خوردو نوش، ادویات ، پٹرولیم مصنوعا ت کے بحران کے
بعد اب لوڈشیڈنگ کا عذاب بھی عوام کو جھیلنا پڑ رہا ہے۔کنٹینر پر کھڑے ہو کر عوام سے عمران خان نے جووعدے کیے تھے ان میں سے کسی ایک کو بھی وہ پورانہیں کر سکے عمران خان ہر محاذ پر ناکام ہو چکے ہیں انہیں اپنی ناکامی کااعتراف کر تے ہو ئے اقتدار سے الگ ہو جانا چاہیے۔
