کراچی (این این آئی)معروف اداکارہ صحیفہ جبار خٹک نے کہا ہے کہ عمران خان کے حالیہ متنازع بیان نے مایوس کردیا، خان صاحب سے بہت امیدیں تھیں لیکن اب امیگریشن کا سوچنا شروع کردیا ہے۔اداکارہ نے عورتوں کے مختصر لباس سے مردوں کے جذبات کے بھڑک اٹھنے سے متعلق بیان پر عمران خان کیلئے طویل پیغام لکھا۔انہوں
نے اپنی انسٹاگرام سٹوری میں وزیراعظم کو مخاطب کرتے ہوئے کہا کہ ’خان صاحب آپ کو عوام کا پتا بھی ہے لیکن پھر بھی ایسی باتیں کر جاتے ہیں کہ میری سمجھ سے باہر ہے‘۔اداکارہ نے لکھا کہ ’میری کوشش ہوتی ہے کہ میں چْپ رہوں، کیونکہ مجھے اس ملک میں رہتے ہوئے ایسا محسوس ہوتا ہے کہ ادھر کسی کو کچھ سمجھانے کا فائدہ نہیں بلکہ اپنے پیر پر کلہاڑی مارنے جیسا ہے‘۔صحیفہ جبار خٹک نے کہا کہ خان صاحب پہلے چھوٹی معصوم بچیوں کیساتھ ہوئی زیادتی کا حساب لیں اور پھر اس کے بعد ایسے بیانات دیں۔انہوں نے کہا کہ آپ سے بات کریں تو آپ ہر بات اپوزیشن جماعتوں پر ڈال دیتے ہیں یا پھر ایسی لاشعوری والے بیانات دے دیتے ہیں، خان صاحب دھرنے والے دن گئے، آپ ہمارے بڑے ہیں، ہم نے آپ کو اس ملک کو بہتر کرنے کیلئے چْنا تھا ناکہ ایسے بیانات دینے کیلئے۔اداکارہ نے عمران خان کو مخاطب کرتے ہوئے لکھا کہ آپ سے بڑی امید تھی خان صاحب لیکن اب آپ کے نوجوان امیگریشن کا انتظار کررہے ہیں‘۔دوسری جانب نوجوانوں کے ہر دلعزیز معروف گلوکار فلک شبیر کی جانب سے اپنی اہلیہ، معروف اداکارہ سارہ خان کو سوشل میڈیا پر ایک اہم پیغام دیا گیا ہے۔فلک شبیر کی جانب سے انسٹا گرام اکاؤنٹ پر ایک ویڈیو اور اسٹوری شیئر کی گئی ہے جس میں انہوں نے لال گلاب پکڑا ہوا ہے اور ساتھ
میں سارہ خان کو ایک خوبصورت پیغام بھی دیا ہے۔فلک شبیر نے اپنی یہ ویڈیو شیئر کرتے ہوئے سارہ خان کو ٹیگ بھی کیا ہے۔فلک شبیر کا ویڈیو اور سٹوری کے کیپشن میں کہنا ہے کہ ’یہ سلسلہ نہیں رْکے گا،‘ اور ساتھ میں دل کے ایموجیز بھی بنائے ہیں۔واضح رہے کہ گزشتہ سال کورونا لاک ڈاؤن کے دوران شادی کرنے والی یہ خوبصورت فنکار جوڑی نے حال ہی میں اپنے پہلے بچے کی جلد آمد کا اعلان کیا ہے۔
