اسلام آباد (این این آئی)ای سی سی نے احساس کفالت پروگرام کے فیز 2 کی منظوری دے دی،دوسرے مرحلے میں احساس کفالت پروگرام کے مستحقین کی تعداد80 لاکھ تک بڑھائی جائے گی،احساس کفالت پروگرام کے تحت جنوری سے جون 2021ء تک کیلئے مستحقین کو 12 ہزار دیئے جائیں گے۔ حکومت نے کورونا سے بے روزگار

ہونے والے چالیس لاکھ افراد کو بارہ ہزار کی کیش گرانٹ دینے کا فیصلہ کیا ہے اور اس کے لئے اقتصادی رابطہ کمیٹی کے اجلاس میں 48 ارب روپے کی منظوری دے دی گئی ہے، وزیر خزانہ شوکت ترین کی زیر صدارت اقتصادی رابطہ کمیٹی کا اجلاس ہوا جس میں وفاقی وزراء، مشیروں، معاونین اور اعلی حکام نے شرکت کی۔ای سی سی نے احساس کفالت پروگرام کے فیز 2 کی منظوری دے دی،دوسرے مرحلے میں احساس کفالت پروگرام کے مستحقین کی تعداد80 لاکھ تک بڑھائی جائے گی،احساس کفالت پروگرام کے تحت جنوری سے جون 2021ء تک کیلئے مستحقین کو 12 ہزار دیئے جائیں گے،حالیہ سروے کے دوران 40 لاکھ مستحقین کی نشاندہی کی گئی تھی،نئے مستحقین کی شمولیت سے احساس کفالت پروگرام پر 48 ارب خرچ ہوں گے۔واپڈا کو خالص ہائیڈل منافع کی ادائیگی کے معاملے پر کمیٹی قائم کر کے تجاویز تیار کرنے کی ہدایت کی گئی،ای سی سی میں پاکستان سنگل ونڈو ایکٹ 2021ء کے اطلاق کیلئے 12 نوٹیفیکیشن منظور کرلئے گئے،کرتار پور کاریڈور کے خصوصی سکیورٹی ونگ کیلئے 40 کروڑ کی سپلیمنٹری گرانٹ منظور کرلی گئی،ایوی ایشن ڈویژن کے ملازمین کے اخراجات کیلئے 70 کروڑ روپے کی سپلیمنٹری گرانٹ منظور کرلی گئی،کیبنٹ ڈویژن کے 6 ایوی ایشن سکواڈرن

کی مرمت اور خریداری کیلئے 28.89 کروڑ روپے،نیوی ہیڈ کوارٹرز کے آپریشنل اخراجات کیلئے 3.90 ارب روپے،وزارت تعلیم کیلئے 12.47 کروڑ،وزارت آئی ٹی کے ادارے ایس سی او کے اخراجات کیلئے 81.94 کروڑ روپے،پاکستان انسٹیٹیوٹ آف ڈویلپمنٹ اکنامکس کو پنشن ادائیگی کیلئے 4.28 کروڑ روپے کی منظوری دی گئی، پارک کے ملازمین کی پنشن واجبات کی ادائیگی کیلئے 80.65 کروڑ روپے کی سپلیمنٹری گرانٹ منظور کرلی گئی۔