اسلام آباد(نیوز ڈیسک)بھارتی فلم نگری کی اداکارہ اورسابق ملکہ حسن ایشوریہ رائے بچن کی صورت دیکھنے کے لئے ہزاروں لوگ بے چین رہتے ہیں لیکن ان کا یہ عالم ہے کہ وہ اپنے مداحوں سے منہ چھپانے کے لئے مجبورہیں ایسا کسی بیماری کی وجہ سے نہیں ہے بلکہ وہ اپنی آئندہ فلم میں جو کردارنبھا رہی ہیں انہیں اس کی جھلک فلم بینوں کوپہلے ہی دکھانے سے ممانعت کی گئی ہے۔بھارتی میڈیا کے مطابق ایشوریہ رائے ان دنوں معروف فلم سازکرن جوہر کی فلم ”اے دل ہے مشکل“ کی شوٹنگ میں مصروف ہیں، اس فلم میں ان کے ساتھ انوشکا شرما، رنبیر کپور اور پاکستانی اداکار فواد خان بھی اداکاری کے جوہر دکھا رہے ہیں، فلم میں ایشوریا رائے منفرد کردارادا کررہی ہیں جس کے لئے ان کا خصوصی میک اپ کیا جاتا ہے۔فلم کے ہدایت کار کا خیال ہے کہ انہیں اپنا نیا انداز شوٹنگ کی تکمیل تک مداحوں کو نہ دکھائیں اس لئے کوشش کی جاتی ہے کہ شوٹنگ کے دوران کوئی بھی غیرمتعلقہ شخص وہاں موجود نہ ہو اور شوٹنگ کے بعد بھی انہیں بڑی بڑی چھرتیوں کی اوٹ میں ان کی آرام گاہ میں لےجایا جاتا ہے۔