ممبئی (نیوز ڈیسک )بالی ووڈ کے مایہ ناز اداکار سلمان خان کی فلم ’پریم رتن دھن پایو‘ نا دیکھ پانے پر ان کے مداح نے خود کو پھانسی لگا کر خودکشی کرلی۔دبنگ خان کے نام سے پہچانے جانے والے اداکار بے پناہ مقبول ہیں اوروہ جہاں بھی جاتے ہیں ان کے مداحوں کا رش لگ جاتا ہے۔سلمان خان کے اندور سے تعلق رکھنے والے دھرمیندرکشواہا نامی مداح نے انکی حال ہی میں ریلیز ہونے والی فلم پریم رتن دھن پایوکے ٹکٹ حاصل کرنے میں ناکامی کے بعد موت کو گلے لگالیا۔تفصیلات کے مطابق دھرمیندر فلم کی اوپننگ والی رات جب ٹکٹ لینے سینما پہنچے تو وہاں کے مینجرسےان کا جھگڑا ہوگیا جس کے سبب مینجرنے ٹکٹ دینے سے انکارکردیا۔دھرمیندر کے بھائی کے مطابق بات اس قدر بڑھی کے سینما مینیجر نے اپنے دوستوں کے ہمراہ ان کے گھرآکردھرمیندرکو تشدد کا نشانہ بھی بنایا۔دھرمیندر اس واقعے سے اسقدر دلبرداشتہ ہوئے کہ انہوں نے اپنی ماں کی ساڑٰی سے خود کو پھندا لگا کر خودکشی کرنے کی کوشش کی، ان کی والدہ نے انہیں اس حالتے میں دیکھا تو دیگر رشتے داروں کی مدد سے انہیں نیچے اتارا تاہم اسپتال پہنچنے تک دھرمیندر دم توڑ گئے۔