اسلام آباد(نیو ز ڈیسک )روہت شیٹی کی نئی آنے والی فلم ”دل والے “ کے پوسٹر پرہیرو شاہ رخ خان اور ہیروئن کاجل کی تصاویر نہیں لگائی گئیں۔رپورٹ کے مطابق ”دل والے“ کے پوسٹر پر برف کے پہاڑوں میں تراشا گیا ایک بڑا سا دل دکھایا گیا ہے۔فلمسازوں کے مطابق اگرچہ فلم کے پوسٹر پر ہیرو ہیروئن کی تصاویر آویزاں نہی کی گئیں اس کے باوجود برف کے درمیان جوڑی کی دیومالائی محبت کی کہانی اپنا جادو ضرور جگائے گی۔ریڈ چلی انٹرٹینمنٹ کی طرف سے پوسٹر جاری کرنے کے بعد مائیکرو بلاگنگ سائٹ ٹویٹر پر ٹویٹ میں کہا گیا ہے کہ ”کچھ محبت کی کہانیاں کبھی ختم نہیں ہو تیں“۔روہت شیٹی کی ”دل والے“ میں شا ہ رخ خان ، کاجل ، ورون دھون اور کریتی سینن مرکزی کردار ادا کر رہے ہیں۔شاہ رخ خان کی ”دل والے“ سنجے لیلا بھنسالی کی ”باجی را? مستانی“ کے ساتھ 18دسمبر کو ملک بھرکے سینما گھروں میں نمائش کیلئے پیش کی جائے گی۔