کراچی (نیوز ڈیسک )پاکستانی اداکارہ عشنا شاہ اور فیصل قریشی اپنے کامیاب ڈرامے ”بشر مومن“ کے بعد ایک اور ڈرامے میں ساتھ کام کریں گے۔’بھیگی پلکیں‘ نامی سیریل میں فیصل اور عشنا منفرد کرداروں میں نظر آئیں گے جو اس سے پہلے انہوں نے نہیں کیے۔ڈرامے کی کہانی ایک خوبصورت لڑکی مہربانو کے اردگرد گھومتی ہے، جس کی زندگی شوہر کی اچانک موت کے بعد مسائل میں گھر جاتی ہے-مہربانو کی خوبصورتی سے حسد کرنے والی اس کی نند فریحہ ہر وقت کوئی نہ کوئی مسائل کھڑے کرتی رہتی ہے۔فیصل اس ڈرامے میں فریحہ کے منگیتر حسن کے کردار میں نظر آئیں گے جو عشنا کی خوبصورتی کے باعث انہیں پسند کرنے لگتے ہیں۔نجی ٹی وی سے بات کرتے ہوئے عشنا اور فیصل کا کہنا تھا کہ یہ بالکل مختلف تجربہ تھا، یقیناً پرستار اس ڈرامے کو خوب پسند کریں گے کیونکہ ہم نے اس میں بالکل مختلف کردار ادا کیے ہیں جو اس سے پہلے ایک ساتھ نہیں کیے۔