ممبئی(نیوز ڈیسک) بھارت کی ایک انتہا پسند ہندو تنظیم وشوا ہندو پریشد کی رہنما سادھوی پراچی نے شاہ رخ خان کو پاکستانی ایجنٹ قرار دے دیا۔ واضح رہے کہ شاہ رخ خان نے بھارت میں بڑھتے ہوئے عدم برداشت کے رویے پر تشویش کا اظہار کیا تھا۔ سادھوی پراچی نے شاہ رخ خان کو تنقید کا نشانہ بناتے ہوئے کہا ہے کہ شاہ رخ خان پر بغاوت کا مقدمہ چلایا جانا چاہئے اور انہیں پاکستان بھیج دینا چاہئے۔ واضح رہے کہ بھارت میں بڑھتے ہوئے عدم برداشت کے رویے کی وجہ سے پچاس سے زائد ادیبوںنے اپنے ایوارڈ واپس کر دیئے ہیں اور شاہ رخ خان نے بھی اپنی پچاسویں سالگرہ پر کہا تھا کہ وہ بھی اپنا پدما شری ایوارڈ واپس کرنے کے لئے تیار ہیں