اسلام آباد(نیوز ڈیسک )بولی ووڈ اداکارہ کاجل کا کہنا ہے کہ ملکی عوام کو حفظان صحت کے اصولوں سے آگاہی دینے کیلئے حکومت اور این جی اوز کو عملی اقدامات کرنے ہوں گے۔ اداکارہ نے اپنے حالیہ انٹرویو کے دوران صحت و صفائی کے اصولوں پر روشنی ڈالتے ہوئے کہا کہ اگر حفظان صحت کے بنیادی اصولوں پر باقاعدہ عمل کیا جائے تو بچوں کی شرح اموات کو بڑی حد تک روکا جا سکتا ہے۔41سالہ اداکارہ خود بھی ہینڈ واشنگ مہم (ایچ یو ایل ) ہیلتھ سوپ لائف بوائے’ہیلپ ا چائلڈ ریچ5‘کی ایمبسڈر ہیں۔اداکارہ نے پی ٹی آئی کو بتایا کہ ڈائریکٹر آنند گاندھی کی طرف سے تیار کی جانے ولی ماں بچے کی صحت کے اصولوں پر بنائی جانے والی فلم جلد منظر عام پر لائی جائے گی جس میں ہاتھ دھونے کی اہمیت پر روشنی ڈالی گئی ہے۔”مائی نیم از خان “ ہیروئن کا کہنا ہے کہ سٹار پاور کے استعمال سے بھی صفائی کی اس مہم میں تیزی لائی جا سکتی ہے۔ واضح رہے اداکارہ گزشتہ تین سال سے بچوں میں ہاتھ دھونے کی اہمیت اجاگر کرنے والی ایچ یو ایل مہم کا حصہ ہیں۔کاجل کا کہنا تھا کہ مجھے اس بات کی بے حد خوشی ہے کہ میں لاکھوں لوگوں تک زندگی کو محفوظ رکھنے اور حفظان صحت کے پیغام کو پہنچانے کا زریعہ ہوں۔