اسلام آباد (نیوز ڈیسک )بالی ووڈ اداکارہ ودیا بالن کے بارے میں کہا جا رہا ہے کہ انھوں نے چھ سال قبل مائیکرو بلاگنگ سائٹ ٹویٹرپر ایک اکاﺅنٹ بنایا تھا۔ رپورٹ کے مطابق اداکارہ کے نام سے کئی لوگ ٹویٹر اکاﺅنٹ چلا رہے تھے۔ جبکہ اداکارہ کا اپنا اکاﺅنٹ گزشتہ چھ سال سے بغیر تصدیق کے ہی رہا۔ آخر کار اداکار ہ نے آئے روز اپنے نام سے کی جانے والی مختلف لوگوں کے نام ٹویٹس سے جان چھڑانے کیلئے اپنے اکاﺅنٹ کی تصدیق کرا لی ہے۔اداکارہ کو سب سے پہلے معروف فلمساز و ہدایتکار کرن جوہر کی طرف سے ٹویٹر پر خوش آمدید کہا گیا ہے۔ واضح رہے آخری مرتبہ ودیا بالن کو بڑی سکرین پر ”میری ادھوری کہانی “ میں دیکھا گیا تھا۔رپورٹ کے مطابق 37سالہ اداکارہ کو ماضی کے نامور اداکاربھگون دادا کی زندگی پر بنائی جانے والی فلم کی کاسٹ میں شامل کر لیا گیا ہے۔ ودیا بالن 1951ءمیں بننے والی فلم کے ریمیک میں ماضی کے سنہرے دور کی اداکارہ گیتابالی کا کردار ادا کریں گی۔