اسلام آباد (نیوز ڈیسک )بولی وڈ اداکار سلمان خان اور شاہ رخ کی بڑھتی ہوئی دوستی کی خبریں آج کل میڈیا میں گردش کر رہی ہیں اور اب دونوں اداکاروں کی فلم کا ٹریلر ایک ساتھ ریلیز کیا جائے گا۔این ڈی ٹی وی کے مطابق اس دیوالی پر شاہ رخ خان کی فلم ’دل والے‘ کا پہلا ٹریلر سلمان خان کی فلم ’پریم رتن دھان پایو‘ کے ساتھ ملا کر دیکھا جائے گا۔11 نومبر کو ریلیز ہونے والی فلم ’پریم رتن دھان پایو‘ میں سلمان خان کے ہمراہ انوپم کھیر اور سونم کپور اہم کردار میں نظر آئیں گے-جبکہ شاہ رخ خان کی فلم ’دل والے‘ میں کاجول، ورن دھون اور کریتی سنن اہم کردار ادا کریں گے اور یہ18 دسمبر کو ریلیز ہوگی۔یاد رہے کہ اس سے قبل شاہ رخ خان نے بھی سلمان خان کی فلم ’بجرنگی بھائی جان‘ کی پہلی جھلک اپنے ٹوئٹر اکاو¿نٹ پر سب سے پہلے شئیر کی تھی۔