لاہور (نیوز ڈیسک ) بھارت میں اقلیتوں کی حق تلافی پر بالی ووڈ اداکار بھی بولنے لگے۔ نصیر الدین شاہ کا کہنا ہے کہ پاکستان کی اچھی چیزوں کی بھارت میں بھی تعریف ہونی چاہئے جبکہ انوپم کھیر کا کہنا ہے کہ پاکستان دوست نہیں ، کتاب کی رونمائی بھارت میں نہیں ہونی چاہئے تھی۔ بالی ووڈ کے دو دوست انوپم کھیر اور نصیر الدین شاہ ، نصیر الدین شاہ کو بیان دینا مہنگا پڑگیا کہ پاکستان کی اچھی چیزوں کو بھارت میں سراہا جانا چاہیئے۔ انتہا پسند ہندو تو ایک طرف خود ان کے دوست بھی دشمن ہوگئے۔ انوپم کھیر کا کہنا ہے کہ پاکستان دوست نہیں ، خورشید قصوری کی کتاب کی رونمائی بھارت میں نہیں ہونی چاہیئے تھی۔ انوپم کھیر بیوی کی وجہ سے مودی سرکار کی زبان بولنے لگے ہیں۔ نصیر الدین شاہ کا کہنا تھا کہ وہ کئی بار پاکستان گئے ، دھمکی تو دور کی بات انہیں سیکورٹی کی بھی ضرورت نہیں پڑی۔ بالی ووڈ اداکار کا کہنا تھا کہ صرف مسلمان ہونے کی وجہ سے انہیں نشانہ بنایا جا رہا ہے۔