اسلام آباد (نیوز ڈیسک )بولی ووڈ انڈسٹری کے کنگ شاہ رخ خان کی نئی آنے والی فلم ”فین “ کا دوسرا پوسٹر بھی لانچ کرنے لئے تیار کیا جا چکا ہے۔ زرائع کے مطابق شاہ رخ خان کی ”فین“ کا دوسرا پوسٹر انکی 50ویں سالگرہ کے موقع پر جاری کیا جائے گا۔بولی ووڈ لائف ڈاٹ کام کی رپورٹ کے مطابق فلم کا پوسٹر نیشنل ایوارڈ یافتہ ڈیزائنر نمرتا راآنے تیار کیا ہے۔علاوہ ازیں نمرتا رآشاہ رخ خان کی فلم ”فین “ کو بھی ایڈٹ کریں گی۔واضح رہے فین کے پہلے پوسٹر میں شاہ رخ خان کو دو مختلف کرداروں میں دکھانے کی کوشش کی گئی تھی۔ اندرونی زرائع کے مطابق اس مرتبہ دوسرے پوسٹر میں فلم کے موضوع کے بارے میں دکھا نے کی کوشش کی جائے گی۔ شاہ رخ خان کی ”فین“آئندہ سال اپریل کے مہینے میں نمائش کیلئے پیش کی جائے گی۔