ممبئی ( نیوزڈیسک)بھارتی فلم انڈسٹری کے معروف ادا کار نصیر الدین شاہ نے کہا ہے کہ مجھے کسی سے حب الوطنی کا سرٹیفکیٹ لینے کی ضرورت نہیں۔پاکستان کے حق میں کہی گئی کسی بھی بات کو ملک کے خلاف کیوں سمجھ لیا جاتا ہے ؟ پاکستان میں مجھے بہت محبت اور عزت ملی ہے .اگر میں عمران خان کو عظیم کرکٹر کہوں تو کیا اس کا یہ مطلب ہوگا کہ سنیل گواسکر ایسے نہیں ۔ٹوئٹر پر اپنے پیغام میں نصیر الدین شاہ نے اپنے حوالے سے کئے گئے مختلف تبصروں پر رد عمل کا اظہار کرتے ہوئے کہاکہ مجھے کسی پر اپنی حب الوطنی ثابت کر نے کی ضرورت نہیں میرا نام نصیر الدین شاہ ہے اورمجھے پتا ہے کہ کیوں ہدف بنایا جارہا ہے ۔بد قسمتی سے نفرت بازوں کو آج بولنے کاموقع مل گیا ہے اوروہ خبروں کو تروڑ مروڑ کر پیش کررہے ہیں ۔انہوںنے کہاکہ اگر پاکستان کے حق میں کی جانے والی کسی بھی بات کو بھارت کے خلاف کیوں سمجھ لیا جاتا ہے ۔