لاہور (نیوز ڈیسک) بالی ووڈ کی کیریکٹر ایکٹرس تبو نے شادی کا فیصلہ کرلیا ہے۔44سالہ اداکارہ کے قریبی ذرائع کے مطابق تبو ایک کاروباری شخصیت کے ہمراہ شادی کرنے والی ہیں۔ واضح رہے کہ تبو نے گزشتہ دنوں ایک انٹرویو میں بھی کہا تھا کہ وہ شادی کرنے، گھر سنبھالنے اور بچے پیدا کرنے کیلئے تیار ہیں۔تبو کے ہونے والے شوہر کے بارے میں زیادہ معلومات حاصل نہیں ہوسکی ہیں تاہم معلوم ہوا ہے کہ وہ ممبئی سے باہر رہتے ہیں اور عمر میں تبو سے چھوٹے ہیں۔ تبو ان دنوں اداکار اجے دیوگن کی فلم درشیام کی کامیابی اور اس فلم میں اپنے رول کی مقبولیت کی وجہ سے پہلے ہی آسمانوں میں اڑ رہی تھیں اور اب ان کے اس طرح اڑنے کا ایک اور جواز سامنے آگیا ہے۔ اس فلم میں تبو نے اہم کردار کیا ہے اور کہا ہے کہ وہ آئندہ چند روز میں اپنی شادی کے والے سے وضاحتی بیان دیں گی۔