ممبئی (نیوزڈیسک) بالی ووڈ اداکار اکشے کمار کی والدہ ارونا بھاٹیہ نے مدرز ڈے کی مناسبت سے اپنے بیٹے کو شاندار الفاظ میں خراج تحسین پیش کیا ہے۔ انہوں نے اکشے کی تعریفیں کرتے ہوئے کہا ان کے پاس اتنے پیسے نہ ہوتے تھے کہ وہ گھریلو کام کاج میں مدد کیلئے ملازم رکھ پاتے، اور اکشے برتن دھونے، کپڑے دھونے، گھر کی صفائی کرنے میں ان کی مدد کرتا تھا۔ اکشے بہت شرارتی تھا اور گلی اور سکول کا سب سے شرارتی بچہ لیکن وہ اتنا ہی ہمدرد بھی تھا۔ ادھر اکشے نے بھی اپنی والدہ کی تعریفیں کرتے ہوئے کہا کہ صرف مدرز ڈے ہی نہیں بلکہ میں ہر روز اپنی والدہ کو فون کرتا ہوں اور انہیں احساس دلاتا ہوں کہ وہ دنیا کی سب سے اچھی ماں ہیں۔ ہم ماں اور بیٹے کے بیچ تعلقات جتنے مضبوط ہیں کہ اس کا کوئی اندازہ نہیں لگا سکتا۔ ہم دونوں کے بیچ کوئی نہیں آسکتا اور یہ پیار فاصلوں کا محتاج نہیں۔