لاہور(نیوز ڈیسک)ٹی وی کی نئی اداکارہ و ماڈل آرزو نے کہا کہ سینئر اداکارہ فضیلہ قاضی سے بہت متاثرہوں ان کے ڈرامے دیکھ کر شوبز میں آنے کا شوق پیدا ہوا، میں بھی ان جیسی مشہوراداکارہ بننا چاہتی ہوں، میری خواہش ہے کہ ایسا کردار کروں جسے لوگ مدتوں نہ بھلا سکیں۔ ایک تقریب میں گفتگو کرتے ہوئے انہوں نے کہا کہ لالی ووڈ میں اچھی فلمیں بننا شروع ہوگئی ہیں مجھے بھی فلموں میں کام کرنے کی پیش کش ہوئی ہے تاہم میں نے ابھی کوئی فیصلہ نہیں کیاکیونکہ میں اچھے اورجاندار کردارکی تلاش میں ہوں جیسے ہی کوئی اچھا کردار ملا تو میں بھی لالی ووڈ کاحصہ بن جاﺅنگی۔