کراچی (نیوز ڈیسک)ایک طویل عرصے بعد اداکار ندیم ، منور سعید اور فیصل قریشی نئی ڈرامہ سیریل مول میں یکجا ہونگے۔جس کی ریکارڈنگ جاری ہے۔ہدایتکار شہزاد کاشمیری کی ڈائریکشن میں بنائی جانے والی ڈرامہ سیریل “ مول ” کی کہانی نوکر شاہی اور بیرون ملک رہنے والے ایک خاندان کے گرد گھومتی ہے۔ فیصل منظور کی کہانی کو ڈرامائی تشکیل آمنہ مفتی نے دی ہے۔ زیر تکمیل ڈرامے کے سیٹ پر گفتگو کرتے ہوئے اداکار فیصل قریشی کا کہنا ہے کہ فلم و ٹی وی انڈسٹری کے لیجنڈ فنکاروں کے ساتھ کام کرکے ماضی میں بھی بہت کچھ سیکھا اور اب بھی مزید سیکھنے کا موقع ملے گا۔ ندیم کا کہنا تھا کہ کوئی فنکار چھوٹا بڑا نہیں ہوتا بلکہ اس کی صلاحیتیں اسکی شناخت بناتی ہیں ، اداکار منور سعید کا کہنا ہے کہ اس سیریل میں فنکاروں کی پرفارمنس قابل دید ہو گی۔ ایک طویل عرصے بعد ہمارا یکجا ہونا ڈرامہ انڈسٹری کے شائقین کے لئے دلچسپی کا باعث بنے گا۔