لاس اینجلس (نیوز ڈیسک) ہالی ووڈ کے ایکشن سپر سٹارز سلویسٹر سٹالون نے گزشتہ روز صحافیوں کو یہ کہہ کے چونکا دیا کہ وہ شوارزنیگر کیخلاف فائٹ کی تیاری کررہے ہیں اور دونوں عنقریب میدان میں ایک دوسرے کیخلاف دکھائی دیں گے۔ دونوں اداکار لاس اینجلس کے ایک ہوٹل میں کھانا کھا کے نکل رہے تھے جب صحافیوں کے نرغے میں آگئے۔ اس موقع پر سلویسٹر سٹالون سے جب مینی پکیاو¿ اور فلائیڈ مے ویدر کے دوبارہ فائٹ کے حوالے سے پوچھا گیا تو انہوں نے ازارہ مذاق صحافیوں کے سامنے یہ شگوفہ چھوڑ دیا کہ وہ شوارزنیگر سے لڑائی کریں گے۔ صحافیوں کی جانب سے تفصیلات معلوم کرنے پر سلویسٹر نے واضح کردیا کہ وہ مزاق کررہے تھے۔ اس موقع پر شوارزنیگر منہ میں سگار دبائے مسکراتے رہے اور کوئی بھی تبصرہ کرنے سے گریز کیا۔