لاہور(نیوز ڈیسک) مونا لیزا جسے اب لوگ صرف اورصرف سارہ لورین کے نام سے جانتے ہیں، پسند کرتے ہیں اور اس کے کام کو سراہتے ہیں۔ مرڈرتھری نے بالی ووڈ میں میرے کیرئیر کی نئی شروعات کی اور اب آگے آگے دیکھئے ہوتا ہے کیا ؟ دو نئی فلمیں سائن کر لیں جب کہ بولڈ فوٹو شوٹس کا سلسلہ بھی جاری ہے، بے جا تنقید میری منزل میں رکاوٹ پیدا نہیں کرسکتی۔ مجھے جو کام پسند آتا ہے وہ کرتی ہوں اور جو سمجھ سے بالا تر ہو اس کو توجہ نہیں دیتی۔ جو لوگ میری شہرت سے جیلس ہو رہے ہیں وہ بھی محنت کریں تو کامیابی ان کے ساتھ ہوگی۔
ان خیالات کا اظہار معروف اداکارہ سارہ لورین المعروف مونا لیزا نے انٹرویو دیتے ہوئے کیا۔ انھوں نے کہا کہ وشیش فلمزکے ساتھ دونئی فلمیں سائن کر لی ہیں مگران فلموں کے نام اور کہانی کے بارے میں فی الحال کچھ نہیں بتا سکتی، لیکن اتنا ضرور کہنا چاہوں گی کہ یہ پراجیکٹس بھی مرڈرتھری کی طرح کامیاب رہیں گے۔ اس کے علاوہ بالی ووڈ کے دو بڑے فلمساز اداروں کی جانب سے مجھے اہم کرداروں میں سائن کرنے کے لیے رابطہ کیا گیا ہے جن سے معاملات جلد طے پا جائیں گے اور پھر یہ پاکستان ہی نہیں بلکہ بالی ووڈ کی سپر اسٹارز ہیروئنوں کے لیے بھی بریکنگ نیوز ہوگی۔