ممبئی (نیوز ڈیسک) بالی ووڈ اداکار رنبیر کپور نے اعلان کیا ہے کہ وہ اپنی گرل فرینڈ کترینہ کیف سے آئندہ برس شادی کررہے ہیں۔ دونوں کے بیچ دوستی کئی برس سے چلی آرہی ہے۔ انہوں نے کہا کہ ہم دونوں ہی بے حد مصروف ہیں، اس لئے ہمارے پاس فوری طور پر شادی کاوقت نہیں ہے۔ اس لئے ہم نے آئندہ برس شادی کا منصوبہ بنایا ہے۔ رنبیر نے کہا کہ ہم دونوں کو اپنے جذبات کا یقین ہے اور اگر اب بھی ہم نے اس کا اعتراف نہ کیا تو یہ ہمارے جذبات کی توہین ہوگی۔ویسے بھی میں 33برس کا ہوچکا ہوں اور یہی وقت ہے جب مجھے اپنی فیملی بنانی چاہئے۔ کترینہ بھی یہی چاہتی ہے۔ میرا تعلق ایک فلمی گھرانے سے ہے اس لئے مجھے سکینڈلز کی اہمیت کا خوب انداز ہے۔ جب آپ کے بارے میں کوئی مصالحے دار بات کرے تو کوشش کریں کہ اس پر ردعمل نہ دیں اور نہ ہی اس بارے میں سوچیں اور وقت آنے پر ہی اس بارے میں کچھ بولیں۔