ممبئی (نیوز ڈیسک) بالی ووڈ اداکار سلمان خان سیشن کورٹ سے ضمانت منظور کروانے میں کامیاب ہوگئے ہیں۔ ان کی ضمانت تیس ہزار روپے کے عوض منظور کی گئی۔ اس سے قبل ممبئی کی ہائیکورٹ نے سلمان خان کیس میں ان کے وکلا کی جانب سے دائر درخواست کو قبول کرتے ہوئے سزا پر عمل درآمد کو معطل قرار دیدیا تھا۔ اس خبر کے سامنے آتے ہی سلمان خان کے گھر کے باہر موجود مداحوں میں خوشی کی لہر دوڑ گئی اور یہاں مٹھائیوں کی تقسیم کا سلسلہ شروع ہوگیا دوسری جانب اس کیس کے متاثرین میں سے ایک شخص نے سلمان خان کی نظرثانی درخواست کے قبول ہونے اور سزا نہ ملنے پر بطور احتجاج خودکشی کی کوشش بھی کی۔ مذکورہ شخص کو بچا لیا گیا اور اب وہ ہسپتال میں زیر علاج ہے۔