کراچی (نیوز ڈیسک)ورسٹائل ا داکار فیصل قریشی نے کہا ہے کہ پروڈکشن اور ڈائریکشن کے شعبوں میں کام کرچکا ہوں ، میرے ساتھ فنکار اس جانب توجہ دے رہے ہیں ،اسکا صلہ ان کو ضرور ملے گا۔ اپنے دوست بابر جاوید کی خواہش پر صرف اداکاری کررہا ہوں ،ذاتی طور پر بھی بطور اداکار اور ہدایتکار کام کرنے کا خواہش مند نہیں ہوں، اگر بطور ہدایتکار کام کیا تو اداکاری نہیں کروں گا۔ ان خیالات کا اظہار انہوں نے گزشتہ روزنجی ٹی وی سے گفتگو کرتے ہوئے کیا۔ ان کا کہنا تھا کہ پاکستان میں غیر ملکی ڈراموں میں ترکی کے ڈرامے ناظرین کو پسند آرہے ہیں۔تبدیلی ہمیشہ اچھی لگتی ہے۔ترکی کے ڈرامے اگر ہمارے ملک میں دکھائے جارہے ہیں تو میری معلومات کے مطابق دوسری جانب پاکستانی ڈرامے ان کی زبان میں ڈب ہوکر جارہے ہیں۔ بالی ووڈ میں کام کرنے کے حوالے پر ان کا کہنا تھا کہ اب تک کئی بالی ووڈ فلموں میں کام کرنے کی پیشکش ہوچکی ہے لیکن میں ہمیشہ اس کا یہی جواب دیتا ہوں کہ اللہ نے مجھے اپنے ملک میں اتنی عزت دی ہے اگر اسی لیول پر بھار ت میں کام ملتا ہے تو کروں گا ورنہ نہیں۔