لاہور(نیوز ڈیسک) پاکستان فلم انڈسٹری کے معروف اداکار شفقت چیمہ نے کہاہے کہ بالی ووڈاداکارسلمان خان کوپانچ سال قیدکی سزاملنامخالفین کی سازش ہے۔نجی ٹی وی سے گفتگوکرتے ہوئے ان کاکہناتھاکہ سلمان خان ورلڈ فیم فنکارہیں، انہوں نے جان بوجھ کرکسی کوقتل نہیں کیا، حادثے کے وقت گاڑی ان کاڈرائیورچلارہاتھا تو وہ کیسے ذمہ دار ہوگئے انہوں نے مزید کہا کہ دراصل بھارت میں مسلمانوں کی مخالفت بہت بڑھ چکی ہے اورسلمان خان بھی اسی نفرت کی بھینٹ چڑھے ہیں۔ سلمان خان کے ڈرائیوراشوک سنگھ نے خودعدالت میں بیان دیاتھاکہ حادثے کے وقت گاڑی وہ چلارہاتھالیکن انہیں جان بوجھ کر سزادے کربالی ووڈمیں مسلمان فنکاروں کوہراساں کیاگیاہے۔انکاکہناتھاکہ سلمان خان خودایک درددل رکھنے والے انسان ہیں اوروہ ایک عرصے سے انسانیت کے لیے کام کررہے ہیں۔