ممبئی(نیوزڈیسک )ہٹ اینڈ رن کیس میں عدالت سے سزا کے بعد بالی ووڈ سٹار سلمان خان سے ملاقات کے لیے ان کے گھر آنے والے اداکاروں کا تانتا بندھاہوا ہے جب کہ بالی ووڈ کے مسٹر پر فیکشنسٹ عامر خان بھی اظہار ہمدردی کے لیے ان کے گھر پہنچ گئے۔بھارتی میڈیا کے مطابق بالی ووڈ کے سپراسٹار عامر خان اپنے ساتھی اداکار سلمان خان کو عدالت کی جانب سے سزاکا فیصلہ سنائے جانے کے بعد اظہار ہمدردی کے لیے ان کے گھر گلیکسی اپارٹمنٹ ممبئی پہنچ گئے۔ بالی ووڈ کے دونوں سپر اسٹارز کے درمیان طویل ملاقات ہوئی جب کہ ملاقات کے بعد واپسی پر بالی ووڈ کے دبنگ سلمان خان اپنے قریبی دوست مسٹر پرفیکشنسٹ عامر خان سےبہت پرجوش انداز میں بغل گیر ہوئے اور انہیں الوداع کہا۔گزشتہ روز سے بالی ووڈ اسٹارسلمان خان سے اظہار ہمدردی کے لئے آنے والے اداکاروں کا تانتا بندھا ہوا ہے جن میں بھارتی فلم انڈسٹری کے کنگ شاہ رخ خان، اداکارہ سوناکشی سنہا، پریٹی زنٹا، رانی مکھرجی اور فلم ڈائریکٹر کرن جوہرنے ان سے ملاقات کی۔