نیویارک (نیوز ڈیسک)امریکی ٹی وی سٹار کائلی جینرنے بالآخر دو سال بعد اپنے ہونٹوں کی سرجری کا اعتراف کر لیا۔ ٹی وی ریالٹی شو کیپنگ اپ ود کاردیشیان میں انہوں نے اپنی بڑی بہن خلوئے کاردیشیان کے کہنے پر یہ اعتراف کیا۔ کائلی جینئر کاردیشین فیملی کی سب سے چھوٹی بیٹی ہیں اور ان دنوں وہ کم کاردیشیان اورخلوئے کے ساتھ ٹی وی شو میں شریک ہیں۔ کائلی صرف 17 سال کی ہیں لیکن وہ اس وقت امریکہ کی مقبول ترین خواتین میں شمار کی جانے لگی ہیں، صرف اتنی سی عمر میں وہ اپنے گھر کی مالک بھی بن چکی ہیں۔
انہوں نے دو سال قبل اپنے ہونٹوں کو پرکشش بنانے کیلئے سرجری کرائی لیکن کبھی اس کا اعتراف نہیں کیا۔ متعدد انٹرویوز میں انہوں نے ہونٹوں کے نمایاں طور پر بڑا ہونے کے بارے میں کہا کہ وہ لپ سٹک کی مدد سے اپنے ہونٹوں کی شیپ تبدیل کر لیتی ہیں۔ کیپنگ اپ ود کاردیشیانز میں خلوئے نے انہیں سمجھایا کہ وہ ساری زندگی یہ جھوٹ نہیں بول پائیں گی اور انہیں اعتراف کر لینا چاہئے جس پر انہوں نے اعتراف کیا کہ وہ ہونٹوں کی سرجری کرا چکی ہیں۔ اس موقع پر خلوئے نے یہ انکشاف بھی کیا کہ ان کی والدہ نے صرف 9 سال کی عمر میں ان سے کہا تھا کہ وہ اپنے ناک کی سرجری کرائیں لیکن انہوں نے انکار کر دیا تھا۔