ممبئی (نیوز ڈیسک )بھارتی اداکارہ سنی لیون نے کہا ہے کہ بالی وڈ انڈسٹری میں انہیں امتیازی سلوک کا سامنا کرنا پڑا ہے میڈیا سے گفتگو کرتے ہوئے انہوں نے کہا کہ بالی وڈ میں کرداروں کی پیش کش کے حوالے سے امتیازی سلوک موجود ہے کیونکہ مجھے ہمیشہ ایسے کرداروں کی پیش کش کی گئی جن کا تعلق میرے ماضی کے ساتھ جڑا ہو ۔ انہوں نے کہا کہ میں بالی وڈ انڈسٹری میں کچھ غیر قانونی کرنے نہیں بلکہ اپنا کیریئر بنانے آئی ہوں انہوں نے کہا کہ میں چاہتی ہوں کہ مجھے یہاں کام کا موقع دیا جائے انہوں نے کہا کہ مجھے اکثر چھوٹے اداکاروں کے ساتھ کام کرنے کے مواقع دیئے جاتے ہیں تاہم میں برا نہیں مناتی ۔ انہوں نے کہا کہ اعتراض مجھے اس بات کا ہے کہ صرف مخصوص طرز کے کردار میں مجھے کاسٹ کیا جاتا ہے جو کہ افسوسناک ہے ۔