ممبئی(نیوزڈیسک )بالی ووڈ کی خوربرو اداکارہ اور ویرات کوہلی کی قریبی دوست انوشکا شرما نے زندگی کی 27 بہاریں دیکھ لیں۔بالی ووڈ فلم نگری میں تیزی سے ترقی کر نے والی خوربرو اداکارہ انوشکا شرما آج اپنی 27 ویں سالگرہ منارہی ہیں بھارتی ریاست اتر پردیش کے شہر ایودھیا میں پیدا ہو نے والی داکارہ نے اپنا کرئیر ماڈلنگ سے شروع کیا بعد ازاں 2008 میں فلم نگری سے جڑ گئیں جہاں ان کی پہلی فلم “رب نے بنادی جوڑی” تھی جو کہ بالی ووڈ میں خاطر خواہ کامیابی حاصل نہیں کرسکی تاہم ان کی فلم”بینڈ باجا بارات” بلاک بسٹر فلم ثابت ہو ئی جس کے بعد ان کی کامیاب فلموں کا سلسلہ جا ری رہا۔سال 2014 میں ریلیز ہو نے والی فلم “پی کے” نے انہیں مزید کامیابی سے ہمکنار کرایا جب کہ اداکارہ متعدد ایوارڈز بھی اپنے نام کرچکی ہیں۔واضح ر ہے کہ گزشتہ ایک برس سے اداکارہ انوشکا شرما اور کرکٹرویرات کوہلی کے درمیان قریبی تعلقات میڈیا کی خبروں کی زینت بئے ہوئے ہیں جب کہ ورلڈ کپ میں بھارتی کرکٹ ٹیم کی سیمی فائنل میں شکست کا ذمہ داربھی بھارتی شائقین انوشکا کو قرار دے چکے ہیں۔