ممبئی (نیوز ڈیسک)بالی ووڈ کی اداکارہ پریانکا چوپڑا اور دپیکا پڈوکون ہدایت کار سنجے لیلا بھنسالی کی فلم”باجی راو¿ مستانی“ میں ایک ساتھ نظر آئیں گی۔اس فلم میں دونوں اداکارہ ڈانس بھی پرفارم کر رہی ہیں اور اس بات کی تصدیق حال ہی میں پریانکا چوپڑا نے سوشل میڈیا پر ایک تصویر کے ذریعے کی جس میں شوٹنگ کے دوران لی گئی دونوں کے پیروں کی تصویر کو دیکھا جا سکتا ہے۔پریانکا اور دپیکا کا اس فلم میں ڈانس کرنا اداکارہ مادھوری اور ایشوریا کی فلم”دیوداس“ میں ایک ساتھ ڈانس کرنے کی یاد دلاتا ہے۔ممبئی میں فلمائے جانے والے اس گانے کے کوریوگرافر ریمو ڈی سوزا ہیں۔فلم”باجی راو¿ مستانی“ کی کہانی باجی راو¿ پیشوا اور رقاصہ مستانی کی محبت پر مبنی ہے۔ یہ کردار اداکار رنویر سنگھ اور دپیکا پڈوکون ادا کر رہے ہیں، ان کے ساتھ اداکارہ پریانکا باجی راو¿ کی پہلی بیوی کاشی بائی کا کردار ادا کررہی ہیں۔فلم اس سال دسمبر میں ریلیز کی جائے گی۔