بیجنگ (نیوز ڈیسک)ایکشن ہو تو ایسا، مار دھاڑ ہو تو ایسی، ہالی وڈ فلم فیوریئس سیون نے ہالی وڈ میں ہی نہیں بلکہ چائنیز باکس آفس پر بھی تابڑ توڑ کمائی کر کے نئے ریکارڈ قائم کر دئیے۔ہالی وڈ کے ایکشن ہیروز سے سجی فلم فاسٹ اینڈ فیوریس سیون تین اپریل کو سینما گھروں کی زینت بنی، بے چینی سے منتظر فلم بین سینما گھروں پر ٹوٹ پڑے۔ فیوریس سیون نے ہالی وڈ باکس آفس پر تہلکہ مچا دیا، اور اب چائنیز باکس آفس پر بھی 333 ملین ڈالر کا بزنس کرکے سب فلموں کو پیچھے توڑ دیا۔چائنیز باکس آفس کے مطابق فاسٹ اینڈ فیوریئس سیون نے ٹرانسفارمر ایج آف ایکسٹنشن کا ریکارڈ توڑ دیا ہے جس نے 2014 میں 319 ملین ڈالر کما کر ریکارڈ بزنس کیا تھا۔فیوریس سال 2015 کی اب تک کی سب سے زیادہ بزنس والی فلم بن گئی ہے، شاندارایکشن مناظر نے فلم بینوں کو اپنی گرفت میں لے رکھا ہے اور لگ رہا ہے آنے والے دنوں میں یہ فلم مزید کئی ریکارڈ اپنے نام کرے گی۔