ممبئی (این این آئی)انوشکا شرما اور رنبیر کپور کی نئی فلم ”بمبئی ویلوٹ“ کا دوسرا ٹریلر ریلیز کردیا گیا ہے۔ کہانی ہے ایک چور کی جو ساٹھ کی دہائی میں ہیرا پھیری دکھاتا ہے۔جونی بلراج راتوں رات ڈھیر ساری دولت کمانا چاہتا ہے۔ اس کی ملاقات کازد کھباڈا سے ہوتی ہے جو اسے جرم کی دنیا کا باسی بنا دیتا ہے۔ ساٹھ کی دہائی کے مناظر لیے بومبے ویلوٹ میں انوشکا شرما بھی مجرموں کے بڑے گروہ کا حصہ ہیں۔رنبیر کپور جونی بلراج کے روپ میں ہیں جسے نوکر سے مالک بن جانے تک کا کٹھن سفر طے کرنا ہے۔ فلم پندرہ مئی کو ریلیز کی جائے گی۔