لندن(نیوز ڈیسک)بالی ووڈ اداکار ابھیشک بچن برطانیہ کے پارلییمانی انتخابات میں بھارتی امیدوار کے لئے انتخابی مہم چلانے لیسٹر پہنچنے جہاں انہوں نے بھارتی نڑاد امیدوار کے ساتھ مل کر علاقے کا دورہ کیا۔ ابھیشک بچن لیبر پارٹی کے نامزد بھارتی نڑاد امیدوار ایم پی کیتھ ویز کی انتخابی مہم میں شرکت کررہے ہیں۔ لیسٹر میں میڈیا سے گفتگو کرتے ہوئے ابھیشک بچن نے کہا کہ وہ کیتھ ویز کی حمایت کے لئے لیسٹر پہنچے ہیں، انہوں نے کہا کہ کیتھ ویز لیسٹر کے لیے بہت محنت سے کام کرتے ہیں اور مجھے مسرت ہے کہ میں آج یہاں ان کی حمایت میں آیا ہوں۔ کیتھ ہمارے خاندان کے دوست ہیں۔ ان میں بہت ساری ایسی خوبیاں جو میرے خیال میں ہمارے سیاست دانوں میں ہونی چاہیے۔
ابھیشک بچن نے لیسٹر میں کیتھ ویز کے ساتھ ووٹرز کے ایک اجتماع سے بھی گفتگو کی۔ انہوں نے لیسٹرکی طرف سے کرکٹ اور فٹبال سے محبت کی بھی تعریف کی اور کہا کہ کیستھ ویز لیسٹر میں کھیل کے فروغ کے لئے سب سے اہم کردار ادا کر سکتے ہیں۔ کیستھ لیز نے ابھیشک کا شکریہ ادا کیا اور کہ وہ اپنی بالی ووڈ مصروفیات ترک کر کے برطانیہ پہچنے پر ان کے بہت شکرگزار ہیں۔
لیسٹر کاﺅنٹی میں بھارتی نڑاد برطانوی شہریوں کی سب سے بڑی آبادی ہے جب بھارتی شہری بھی وہاں بڑی تعداد میں موجود ہیں۔