نیویارک(نیوز ڈیسک )کمپیوٹر کو ڈیوائس کی مدد سے ٹی وی میں تبدیل کرنے کا فن تو ماہرین نے بہت سال پہلے سیکھ لیا تھا اور اب بھی دنیا میں جہاں جہاں لوگ ٹی وی نہیں خریدتے، وہاں وہ ایک چھوٹی سی ڈیوائس کی مدد سے اپنے کمپیوٹر مانیٹر کو ہی ٹی وی میں بدل لیتے ہیں لیکن ماہرین نے اب کچھ الٹ کر دکھایا ہے، جی ہاں، انہوں نے ایک ایسی ڈیوائس ایجاد کی ہے جس کی مدد سے ٹی وی کو سمارٹ ٹی وی یا کمپیوٹرمیں بدلا جا سکتا ہے۔یو ایس بی سے قدرے بڑی اس ڈیوائس کو ٹی وی میں لگانے کیلئے ایک یو ایس بی پورٹ کی ضرورت ہے۔ ٹی وی میں یو ایس بی پورٹ لگائیں اور اس ڈیوائس کو یو ایس بی کی طرح سے ہی ٹی وی میں لگائیں اور اپنے ٹی وی سے کمپیوٹر والا کام لیں۔ اس ڈیوائس کو ٹیکنالوجی کنگ گوگل نے تیارکیا ہے اور اسے ایچ ڈی ایم آئی کروم بٹ کا نام دیا ہے جسے جب ٹی وی میں لگایا جاتا ہے تو ٹی وی کمپیوٹر کے مانیٹر میں تبدیل ہو جاتا ہے جب کہ اسے بغیر تار کے کی بورڈ اور ماو¿س سے کنکٹ کر دیا جاتا ہے جسے بلیو ٹوتھ کی مدد سے چلایا جاتا ہے۔ کروم بٹ ڈیوائس ایک مکمل کمپیوٹر ہے اور یہ سائز میں کینڈی بار سے بھی چھوٹا ہے اور یہ صرف 100 ڈالر میں خریدا جاسکتا ہے۔