نیو یارک (نیو ڈیسک ) مائیکرو سافٹ کو توقع ہے کہ اپنے ونڈوز آ پر یٹنگ سسٹم کے اگلے ورژن میں پاس ورڈ کو ماضی کا قصہ بنانے میں کامیاب ہو جائے گی ۔جی ہاں ونڈوز 10 کے صارفین کو پچیدہ پاس ورڈ یاد رکھنے کے بجائے یا تو اپنے اسمارٹ فون یا کمپیوٹر کے سامنے بس مسکرانا ہو گا یا فنگر پرنٹ ریڈر کا استعمال کرنا ہوگ ۔ونڈوز ہیلی نامی یہ فیچر ونڈو 10کا حصہ ہو گا جسے رواں برس کسی وقت متعارف کرایا جائے گا ۔مائیکرو سافٹ کا کہنا ہے کہ جب ہم نے ونڈوز 10 کی تیاری شروع کی تو ٹیم نے اپنا بہت زیادہ وقت اور توانائی اس بات پر صرف کی کہ کمپیو ٹنگ کو کس طرح زیادہ پرسنل بنایا جا سکتا ہے ۔ونڈوز ہیلو نامی یہ بائیو میٹرک تصدیقی سسٹم ونڈوز 10 میں متعارف کرایا جارہاہے جو آ پ کے چہرے ، آنکھ کی پتلی یا فنگر پرنٹس کی مدد سے آپ کی ڈیوائس کو ان لاک کرنے گا اور مائیکرو سافٹ کے مطابق یہ ٹیکنا لوجی روایتی پاس ورڈ کے مقابلے میں زیادہ محفوظ ہے ۔کمپنی کا کہنا ہے کہ اس ٹیکنا لوجی کی بدولت لوگوں کو اعداد اور الفاظ یادرکھنے کی زحمت نہیں کرنی پڑے گی جو وہ جلد بھول جاتے ہیں یا ہیک ہو جاتے ہیں ۔کمپنی پر اعتماد ہے کہ اس سسٹم کو چکمہ بھی نہیں دیا جاسکے گا کیونکہ ہارڈ وئیر اور سافٹ وئیر کاخصوصی امتزاج با لکل درست شناخت میں مدد فراہم کر ے گا اور صارف کی تصویر یا انگلیوں کے نشانات سے سسٹم ان لاک نہیں ہو سکے گا