اسلام آباد(مانیٹرنگ ڈیسک)معروف صحافی و اینکر پرسن عمران خان نے اپنے پروگرام میں انکشاف کرتے ہوئے کہا ہے کہ ایک ویڈیو منظر عام پر آئی ہے اور یہ ویڈیو اس ویڈیو لنک کے ذریعے کی جانے والی خفیہ میٹنگ کا کچھ حصہ ہے جو ن لیگ کے اکابرین نے کچھ عرصہ قبل کی تھی۔اس میٹنگ میں اس قسم کی خطرناک باتیں کی گئیں کہ جس کے نتیجے
میں کچھ دن قبل آصف علی زرداری نے ن لیگ کو کھری کھری سنا دیں اور پی ڈی ایم تحریک کا مستقبل سینیٹر اسحاق ڈاراور نواز شریف کی واپسی سے مشروط کر دیا۔اینکر پرسن عمران خان نے کہا کہ مجھے نہیں پتا کہ یہ ویڈیو لیک ہوئی ہے یا پھر جان بوجھ کر لیک کی گئی ہے۔بہرحال اس ویڈیو نے پی ڈی ایم تحریک کی صفوں میں دراڑ ڈال دی ہے اور ن لیگ اور پیپلز پارٹی اب کھل کر آمنے سامنے آئیں گے۔انہو ں نے یہ بھی دعویٰ کیا کہ اس میٹنگ میں حمزہ شہباز نے اپنے والد شہباز شریف کا بھی بیان دیا تھا جس پر نواز شریف صاحب نے ان کے سیاسی وژن کی تعریف کی تھی۔انہوں نے بات کرتے ہوئے کہا کہ میاں نواز شریف نے اس میٹنگ میں آصف علی زرداری اور مولانا فضل الرحمان کے خلاف منفی ریمارکس دیے تھے۔اب وہی ریمارکس آصف علی زرداری تک پہنچ گئے ہیں جس کا بدلہ انہوں نے گزشتہ دنوں پی ڈی ایم کی سربراہی میٹنگ میں یہ کہہ کر لے لیا کہ اب اگر تحریک چلانی ہے اور عمران خان کے خلاف حکمت
عملی جارحانہ کرنی ہے تو میاں صاحب کو واپس آنا چاہیے۔جبکہ ذرائع یہ بھی بتا رہے ہیں کہ اس ویڈیو کا ایک حصہ مولانا فضل الرحمان کو بھی دکھا یا گیا ہے جس میں نواز شریف صاحب ان کے بارے میں بھی منفی باتیں کررہے ہیں۔جس پر اب مولانافضل الرحمان بھی نواز شریف سے واپسی کا تقاضا کرتے نظر آئیں گے۔ لہٰذا اب یہ طے ہے کہ پی ڈی ایم کی تحریک کا اتحاد اب پہلے والا نہیں رہااور آہستہ آہستہ یہ تحریک ناکامی سے دوچار ہو جائے گی۔
