لاہور(آن لائن) جماعت اسلامی کے رہنما لیاقت بلوچ نے بلاول بھٹو زرداری کے افطار ڈنر میں ہونے والی گفتگو کا بھانڈا پھوڑ دیا۔ اپوزیشن جماعتیں کوئی واضح حکمت عملی نہ بنا سکی مریم نواز اپنی ساتھ ہونے والے ظلم و زیادتی کا رونہ روتی رہی وہ ایک منٹ بھی حکومت کو برداشت کرنے کے لئے تیار نہیں
جبکہ کچھ رہنما دبے الفاظ میں قومی حکومت کے قیام کی بات کرتے رہے تا ہم جماعت اسلامی کسی احتجاج میں شامل نہیں ہو گی۔ پیر کے روز نجی ٹی وی سے خصوصی گفتگو کرتے ہوئے لیاقت بلوچ نے کہا ہے کہ بلاول بھٹو زرداری کے افطار ڈنر میں شریک اپوزیشن جماعتوں نے کوئی واضح حکمت عملی نہیں بنائی لائن آف ایکشن طے کیے بغیر مشترکہ پریس کانفرنس غیر ضروری تھی۔ لیاقت بلوچ کے مطابق مریم نواز نے کہا کہ دل چاہتا ہے کہ حکومت ایک منٹ بھی مزید نہ رہے مریم نواز نے کہا کہ ہمارے ساتھ بہت ظلم اور زیادتی ہو رہی ہے جبکہ کچھ رہنما ڈکے چھپے الفاظ میں قومی حکومت بنانے کی تجویز بھی دیتے رہے۔ لیاقت بلوچ نے کہا کہ جب تک اپوزیشن کی ترجیحات متعین نہ ہوں کسی احتجاج کا حصہ نہیں بن سکتے انہوں نے کہا کہ عمران خان کی حکومت نے اپنے آپ کو بے نقاب کر دیا ہے عمران خان نے ریلو کٹوں اور کھلنڈروں کی حکومت بنا لی ہے جس سے وہ خود بھی مشکل میں پھنس چکے ہیں۔ جماعت اسلامی کے رہنما لیاقت بلوچ نے بلاول بھٹو زرداری کے افطار ڈنر میں ہونے والی گفتگو کا بھانڈا پھوڑ دیا۔ اپوزیشن جماعتیں کوئی واضح حکمت عملی نہ بنا سکی مریم نواز اپنی ساتھ ہونے والے ظلم و زیادتی کا رونہ روتی رہی وہ ایک منٹ بھی حکومت کو برداشت کرنے کے لئے تیار نہیں جبکہ کچھ رہنما دبے الفاظ میں قومی حکومت کے قیام کی بات کرتے رہے تا ہم جماعت اسلامی کسی احتجاج میں شامل نہیں ہو گی۔
