لاہور(مانیٹرنگ ڈیسک)صوبائی وزیرقانون راناثنااللہ خان نے کہاہے کہ سابق آرمی چیف جنرل راحیل شریف کے حوالے سے افواہیں پھیلائی گئیں جوکہ اب ختم ہوگئی ہیں ۔انہوں نے کہاکہ انسداد دہشتگردی کی عدالتوں میں بہتری کےلئے سمری تیارکرلی گئی ہے اوروزیراعلی پنجاب جلدہی اس سمری کووفاقی حکومت کوبھیج دینگے ۔
راناثنااللہ خان نے میڈیاسے گفتگوکرتے ہوئے کہاکہ پاکستان پیپلزپارٹی میں امپائرکے اشارے کاانتظارکرنے والے کوئی سیاستدان نہیں ہیں ۔انہوں نے کہاکہ تحریک انصاف کے سربراہ عمران خان حکومت سے ہربات دبائو ڈال کرمنوانے کی کوششوں میں مصروف ہیں ۔انہوں نے کہاکہ عمران خان 2014سے قوم کودھمکیاں دے رہے ہیں ۔انہوں نے کہاکہ سپریم کورٹ میں پانامالیکس کامقد مہ زیربحث ہے اورعمران خان جلسوں میں بیانات دے کرتوہین عدالت کررہے ہیں ۔راناثنااللہ نے کہاکہ امیدہے کہ سپریم کورٹ ہمارے ساتھ انصاف کرے گی ۔انہوں نے کہاکہ فوجی عدالتوں کے قیام سے دیگرعدالتوں کوبہت ریلیف ملاتھا۔
