اسلام آباد(این این آئی)وفاقی وزیر دفاع خواجہ آصف نے کہا ہے کہ عدلیہ کے فیصلوں کااحترام کرتے ہیں اور ہماری وکٹیں گرانے کی خواہش رکھنے والوں کو ناکامی ہی ہو گی۔سپریم کورٹ کی جانب سے این اے 110 میں دوبارہ الیکشن

کرانے کی درخواستیں مسترد کئے جانے کے بعد ٹوئٹر پر اپنی ٹوئٹ میں خواجہ آصف نے کہاکہ میرے پاس اللہ تعالی کا شکر ادا کرنے کیلئے الفاط نہیں ہیں ٗسیالکوٹ کے لوگوں کی دعائیں میرے ساتھ اور عدلیہ نے بھی عوام کے فیصلے کی تائید کی۔خواجہ آصف نے کہا کہ ہماری وکٹیں گرانے کی خواہش رکھنے والوں کوناکامی ہی ہوگی، عدلیہ کے فیصلوں کا احترام کرتے ہیں اور سب کو یہ فیصلہ تسلیم کرنا چاہیے۔