اسلام آباد(مانیٹرنگ ڈیسک) چیئرمین پیپلز پارٹی بلاول بھٹو زرداری کی جانب سے شادی کی بات کیا ہوئی ہر طرف ہی اس کے چرچے شروع ہوگئے ہیں اور ایسے میں ستارہ شناس کہاں پیچھے رہنے والے ہیں، انہوں نے بھی بلاول کو 2019 سے پہلے شادی نہ کرنے کا مشورہ دے دیا ہے۔میڈیا سے گفتگو کرتے ہوئے معروف ستارہ شناس سامعہ خان کا کہنا تھا کہ بلاول بھٹو زرداری کے ساتھ کسی کیلئے بھی شادی نبھانا بہت ہی مشکل کام ہوگا اور ان کی شادی کامیاب ہونے کے بہت کم امکانات ہیں اور یہی ان کی زندگی کا سب سے اہم موڑ ہوگا۔ بلاول کے زائچے میں عمران خان کی طرح ایک سے زائد شادیاں ہیں۔ انہوں نے بلاول کو مشورہ دیتے ہوئے کہا کہ ابھی ان کے ستارے شادی کیلئے موزوں نہیں ہیں اس لیے انہیں 2019 تک انتظار کرنا چاہیے کیونکہ ایسا کرنے سے ان کی شادی زیادہ دیر تک چلنے کے امکانات ہیں۔ واضح رہے کہ بلاول بھٹو زرداری نے میڈیا سے گفتگو کرتے ہوئے کہا تھا کہ انہیں شادی کی بہت زیادہ آفرز آرہی ہیں لیکن ان کے دل کی ملکہ وہی بنے گی جسے ان کی بہنیں پسند کریں گی اور ان کی بہنوں کو راضی کرنا بہت ہی مشکل کام ہے۔

موضوعات:بلاول بھٹو شادی ماہر علم نجوم