پشاور(نیوزڈیسک)پاکستان پیپلز پارٹی خیبر پختونخوا نے بلدیاتی الیکشن میں دھاندلیوں کے خلاف پشاور میں دھرنا دینے کا اعلان کردیا،بہت جلدبلدیاتی انتخابات میں ہونےوالی دھاندلی اوربے ضابطگیوںکے ثبوت پیش کریںگے۔پشاورارباب ہاﺅس میں صوبائی صدرخانزاد خان اورعاصمہ عالمگیرخان نے پریس کانفرنس کرتے ہوئے کہا کہ بلدیاتی انتخابات کے دوران صوبائی حکومت نے منظم دھاندلی کی جس کے تمام ثبوت دیگر اتحادی جماعتوں کے ہمراہ مشترکہ پریس کانفرنس میں جلد پیش کئے جائیں گے صوبائی رہنماءعاصمہ عالمگیر کا کہنا تھا پیپلز پارٹی بلدیاتی انتخابات کو رد کرتی ہیں پری پلان دھاندلی کے خلاف پارٹی کے شریک چیرمین آصف علی زرداری کی ہدایت ملتے ہی پشاور میں دھرنا دیا جائے گا ان کا کہنا تھا کہ بلدیاتی انتخابات میں سیاسی جماعتوں کے ساتھ زیادتی کی گئی ہے میاں افتخار کی گرفتاری انتقامی کاروائی ہیں،ان کا کہنا تھا کہ غنڈہ گردی کے الیکشن تو ڈیکٹیٹرنے بھی کروائے ،،پیپلزپارٹی کے پی نے جمعیت علماءاسلام کی جانب سے آج بدھ تین جون کو احتجاج میں بھرپور شرکت کا اعلان بھی کیا ۔