اسلام آباد (نیوزڈیسک ) وفاقی وزیر اطلاعات و نشریات سینیٹر پرویز رشید نے تحریک انصاف کے چیئرمین عمران خان کی طرف سے خیبرپختونخوا میں دھاندلی کے الزامات کے بعد دوبارہ انتخابات کرانے کےلئے تین شرائط پیش کرتے ہوئے کہاہے کہ عمران خان انتخابات میں قتل و غارت گری اور سرکاری مشینری کا استعمال کرنے والوں کی رکنیت معطل کریں ، یہ عہد کریں کہ وہ دوبارہ منعقد ہونیوالے بلدیاتی انتخابات میں انتخابی نتائج کو چوری ذریعے حاصل کرنے والوں کو آئندہ انتخاب میں پارٹی ٹکٹ بھی نہیں دیں گے، عمران اس چار کے ٹولے کے نام افشاں کریں جس نے بلدیاتی انتخابات میں من مرضی کے نتائج حاصل کرنے کےلئے ہر گھناﺅنا حربہ استعمال کیا۔ منگل کو پاکستان تحریک انصاف کے سربراہ عمران خان کی خیبر پختونخوامیں دوبارہ بلدیاتی انتخابات کی پیشکش پر اپنے ردعمل کا اظہار کرتے ہوئے پرویز رشید نے کہا کہ عمران خان بلدیاتی انتخابات میں سنجیدہ ہیں تو تین شرائط پوری کریں ، شرائط کو پورا کرنے سے ان کے دعوے کی سچائی کو جانچا جا سکتا ہے ، شرط نمبر ایک انتخابات میں قتل و غارت گری اور سرکاری مشینری کا استعمال کرنے والوں کی رکنیت معطل کریں ، شرط نمبر دو عمران خان عہد کریں کہ وہ دوبارہ منعقد ہونیوالے بلدیاتی انتخابات میں انتخابی نتائج کو چوری ذریعے حاصل کرنے والوں کو نہ صرف پارٹی سے بے دخل کریں گے بلکہ آئندہ انتخاب میں پارٹی ٹکٹ بھی نہیں دیں گے ، شرط نمبر 3 عمران خان اس چار کے ٹولے کے نام افشاں کریں جس نے بلدیاتی انتخابات میں من مرضی کے نتائج حاصل کرنے کےلئے ہر گھناﺅنا ہربہ استعمال کرنے کے گر خیبرپختونخوا کی حکومت کو اختیار کرنے کا مشورہ دیا ۔