اسلام آباد(نیوز ڈیسک) لاہور میں غیرت کے نام پر پریمی جوڑے کو موت کے گھا ٹ اتا ر دیا گیا ۔ جوڑے کو بدترین تشدد کے بعد کلہاڑیوں کے وار سے قتل کیا گیا ہے مقتولہ لڑکی کے والدین نے پولیس کے سامنے اعتراف جرم کر لیا ہے میڈیا رپورٹس کے مطابق پریمی جوڑے اقراء اور طاہر نے گھروالوں کی مرضی کے برعکس شادی کر لی تھی جس پر دونوں کے اہلخانہ ناخوش تھے پریمی جوڑے کو گزشتہ روز قتل کر دیا گیا تھا جس کے بعد پولیس نے تفتیش کا دائرہ کار بڑھاتے ہوئے دونوں کے اہلخانہ سے تفتیش کی جس میں مقتول افراد کے اہلخانہ نے قتل کا اعتراف کر لیا ہے پولیس کے مطابق مقتولہ اقراءاور مقتول طاہر شادی کے بعد الگ گھر میں رہائش پذیر تھے جن کو لڑکی کے اہلخانہ نے بدترین تشدد کے بعد کلہاڑیوں کے وار سے قتل کر دیا اور دونوں کی نعشوں کو شیر شاہ کے علاقے میں پھینک دیا تھا ۔ لاہور پولیس نے مقتولہ لڑکی کے والدین کو گرفتار کر کے تھانہ چوہنگ منتقل کر دیا ہے جہاں انہوں نے اعتراف جرم کر لیا اور پولیس کو بتایا کہ قتل کی وجہ غیرت تھی اس لئے ایسا اقدام کیا ۔
مزید پڑھیے:بلیک ہولزکائنات کے پر اسرارراز
