لندن (نیوز ڈیسک) نبی کریم ﷺ کا نام مبارک ’’محمد ‘‘ یورپی ممالک میں بھی مقبول ۔ برطانوی رپورٹ ۔برطانیہ میں نئے پیدا ہونے والے بچوں کے ناموں میں’’محمد‘‘ مقبول ترین نام بن گیا ۔برطانوی نشریاتی ادارے کی رپورٹ کے مطابق نئے پیدا ہونے والے بچوں کے ناموں کے اندراج سے متعلق سرکاری ادارے میں 2015 میں پیدا ہونے والے بچوں میں سے سب سے زیادہ بچوں کا نام ’’محمد‘‘ رکھا گیا تاہم ان کی انگلش میں اسپیلنگ یعنی ہجی مختلف اوران تمام ہچے والے ناموں کو اکٹھا کیا جائے تو
’’محمد‘‘ سب سے زیادہ مقبول نام ہے۔برطانوی سرکاری محکمے کا کہنا تھا کہ ’’محمد‘‘ نام 100 ناموں کی فہرست میں سب سے پہلے 1924 میں دیکھنے میں آیا اورہرگزرتے دن کے ساتھ اس میں اضافہ ہوتا گیا۔واضح رہے کہ 2014 میں بھی برطانیہ میں ’’محمد‘‘ مقبول ترین نام تھا اس کے علاوہ اس سال پیدا ہونے والے بچوں کے سب سے زیادہ مقبول ناموں کی فہرست میں عمر، علی اور ابراہیم بھی شامل تھے۔ رپورٹ کے مطابق 2014 میں بچیوں کے ناموں میں ’نور‘ بہت زیادہ مقبول تھا.
