اسلام آباد(مانیٹرنگ ڈیسک) مولانا طارق جمیل نے اپنے ایک خصوصی بیان میں کہا کہ ’’میری عامر خان سے ملاقات ہوئی‘ اللہ کی قسم عامر خان بطور انسان کروڑوں میں ایک آدمی ہے۔ معروف بھارتی اداکارعامر خان مجھ سے کیا متاثر ہوتا جتنا میں اس سے متاثر ہوا‘ میں نے عامر خان سے کہا کہ عامر ! میرا دل چاہتا ہے کہ میں تمہارا بیعتی ہو جاؤں‘‘۔ مولانا طارق جمیل نے کہا کہ اللہ کا فرمان ہے کہ جو رمضان میں فوت ہو گیا اس کی بخشش ہو جائیگی۔ گلوکارہ نور جہاں 27 رمضان کو فوت ہو گئیں۔ بخشنے والی ذات اللہ کی ہے۔ مولانا طارق جمیل نے کہا کہ آج کے لوگ عجیب تنگ نظر ہیں۔ جب میں عامر خان سے مل کر نیچے اترا تو لوگوں نے عجیب و غریب سوال شروع کر دیئے کہ عامر خان نے داڑھی کا ارادہ کر لیا؟ کیا عمران خان چار ماہ کیلئے تبلیغ پر چلیں گے؟ ایسے لوگوں کو تنقیدی نظر کی بجائے اپنی طرف دیکھنا چاہئے۔ مولانا طارق جمیل نے کہا کہ جب میں نے عامر خان کو حج پر دیکھا تو 15 نوکروں کے ہونے کے باوجود اپنی والدہ کی ویل چیئر عامر خان خود چلا رہے تھے۔