اسلام آباد(مانیٹرنگ ڈیسک) مولانا طارق جمیل نے رمضان المبارک کی نسبت روح پرور بیان میں کہا کہ ہمیں روزے کے مقصد معلوم ہونا چاہئے، روزے کا مقصد ہے کہ انسان کا ظاہر اور باطن پاک صاف ہو، رمضان میں چار طرح کے لوگوں (مرد و عورت) کی بخشش نہیں ہوتی، مولانا طارق جمیل نے کہا کہ شرابی شخص کی بخشش رمضان المبارک میں بھی نہیں ہوتی، دوسرے نمبر پر ماں باپ کے نافرمان‘تیسرا شخص قریبی عزیزوں اور رشتہ داروں سے لڑنے اور تعلق توڑنے والا، چوتھا شخص کینہ رکھنے والا ہے جس کی بخشش رمضان المبارک میں بھی نہیں ہوتی ۔ مولانا طارق جمیل نے اپنے بیان میں کہا کہ ان چار برائیوں کے حامل اشخاص کی بخشش اس وقت تک نہیں ہوتی جب تک وہ سچے دل سے توبہ نہیں کر لیتا۔ توبہ کرنے سے تمام گناہ معاف ہو جاتے ہیں۔