مقبوضہ بیت المقدس (این این آئی) اسرائیلی وزیراعظم بنجمن نیتن یاھو آئندہ ہفتے خلیجی ریاستوں متحدہ عرب امارات اور بحرین کا دورہ کرینگے۔ عبرانی میڈیا کے مطابق نیتن یاھو کے قریبی ذرائع کا کہنا ہے کہ وزیراعظم آئندہ ہفتے اپنے امارات کے اپنے پہلے اعلانیے دورے پر ابو ظہبی اور منامہ جائیں گے۔عبرانی اخبار کے مطابق اپنے دورے کے دوران وہ اماراتی ولی عہد محمد

بن زاید اور بحرینی بادشاہ حمد بن عیسیٰ آل خلیفہ سے بھی ملاقات کریں گے۔متحدہ عرب امارات کے قومی دن کی چھٹیوں کے دوران یہ دورہ کیا جائے گا، ذرائع کا کہنا ہے کہ گزشتہ روز نیتن یاھو نے امارات اور بحرینی رہ نماؤں سے ٹیلیفون پر بھی بات چیت کی ہے۔رپورٹ کے مطابق نیتن یاھو کے دفترنے وزیراعظم کے دورہ امارات اور بحرین کی تیاری شروع کر دی ہے۔

موضوعات:نیتن یاہو