اسلام آباد (مانیٹرنگ ڈیسک/این این آئی )سعودی ولی عہد محمد بن سلمان اور اسرائیلی وزیراعظم کے درمیان ملاقات کی افواہیں دم توڑ گئیں ۔ سعودی وزیر خارجہ نے نے وضاحت جاری کر دی ۔ تفصیلات کے مطابق سماجی رابطے کی ویب سائٹ ٹویٹر پیغام میں سعودی وزیر خارجہ نے کہا ہے کہ ایسی بے شمار خبریں سامنے آئیں جن میں دعویٰ کیا گیا کہ امریکی وزیر خارجہ مائیک پومپیو کے
دورہ سعود عرب کے دوران محمد بن سلمان کی اسرائیلی اعلیٰ حکام سے ملاقات ہوئی ہے ۔ سعودی عرب ولی عہد محمد بن سلمان اور اسرائیلی وزیراعظم نتین یاہو کی خفیہ ملاقات کی تردی کرتا ہے ۔ واضح رہے کہ اسرائیلی وزیر اعظم بینجمن نیتن یاہو نے سعودی عرب میں ولی عہد شہزادہ محمد بن سلمان اور امریکی وزیر خارجہ مائیک پومپیو کے ساتھ مبینہ طور پر خفیہ ملاقات کی خبر سامنے آئی تھی۔ اس دوران اسرائیلی وزیراعظم نیتن یاہو کے ساتھ اسرائیلی خفیہ ایجنسی موساد کے سربراہ ہوسی کوہن بھی موجود تھے۔ اسرائیلی میڈیا کے مطابق اسرائیلی وزیراعظم سعودی شہر نیوم روانہ ہوئے، جہاں ان کی سعودی ولی عہد اور امریکی خارجہ سے ملاقات ہوئی۔ اس دوران اسرائیلی وزیراعظم نیتن یاہو کے ساتھ اسرائیلی خفیہ ایجنسی موساد کے سربراہ ہوسی کوہن بھی موجود تھے۔ اسرائیلی وزیراعظم کے دفتر نے اس ملاقات کی ابھی تک تصدیق نہیں کی۔تاہم یہ ایسا پہلا موقع ہے جب اسرائیلی اور سعودی قیادت نے ایک ساتھ بات چیت کی۔ اسرائیل اس سے قبل خطے میں متحدہ عرب امارات اور بحرین سے سفارتی تعلقات قائم کر چکا ہے۔ ان دو عرب ملکوں کی طرح اب سعودی عرب کی جانب سے بھی اسرائیل کے ساتھ سفارتی تعلقات استوار کرنے پر غور کرنے کی افواہیں گردش کر رہی ہیں۔
