دبئی( آن لائن ) دبئی انٹرنیشل ایئرپورٹ پر حکام کی جانب سے مسافروں کو دبئی ایکسپو 2020 کے فری بک مارکس دیے جائیں گے۔تفصیلات کے مطابق ڈائریکٹر جنرل میجر جنرل محمد احمد الماری کا کہنا ہے کہ دبئی ایکسپو 2020 کی تیاریاں جاری ہیں اور جنرل ڈائریکٹوریٹ آف ریزیڈنسی اینڈ فارنرز افیئرز کا محکمہ اس حوالے سے مکمل تیار ہے۔انہوں نے بتایا کہ دبئی انٹرنیشنل ایئرپورٹ پہنچنے والے مسافروں کو بک مارکس دیے جائیں گے جس پر لکھا ہوا ہے کہ دنیا کے سب سے بڑے شو میں جانے کے لیے ایک سال باقی ہے۔دبئی ایئرپورٹ پر
حکام کی جانب سے دیے جانے والے بک مارکس میں ایکسپو 2020 دبئی کا لوگو اور ایک خاص بار کوڈ شامل ہے جو مسافروں کو ایکسپو 2020 دبئی کی آفیشل ویب سائٹ براز کرنے کی سہولت دیتا ہے۔ڈائریکٹر جنرل میجر جنرل محمد احمد الماری نے کہا کہ ہم سب کو یقین دلاتے ہیں ہم ایکسپو میں آنے والے مہمانوں کو تمام تر سہولیات مہیا کریں گے تاکہ وہ دبئی میں قیام کے دوران لطف اندوز ہوسکیں۔انہوں نے مزید کہا کہ ہمیں خوشی ہے کہ مشرق وسطی، افریقا اور جنوبی ایشیا میں ایسا پہلا ایونٹ ہونے جا رہا ہے اور ہم اس کی میربانی کریں گے۔
