دمشق(این این آئی)بین الاقوامی ریڈ کراس کمیٹی (آئی سی آر سی) کے امدادی سامان سے لدے 25 ٹرک شام کے محاصرہ زدہ علاقے مشرقی الغوطہ میں داخل ہوگئے ۔غیرملکی خبررسا ں ادارے کے مطابق آئی سی آر سی کی خاتون ترجمان آئیولینڈا ڑاقمت نے ایک بیان میں بتایا کہ مشرقی الغوطہ میں بھیجے گئے امدادی سامان میں26100
افراد کے لیے ایک ماہ کے راشن کے علاوہ دوسری اشیاء ہیں۔یہ امدادی قافلہ مشرقی الغوطہ میں واقع سب سے بڑے شہر الدوما کی جانب بھیجا گیا ہے۔اس پر باغی دھڑے جیش الاسلام کا کنٹرول ہے۔ترجمان نے بتایا کہ آئی سی آر سی نے خوراک کے 5220 پارسل بھیجے ہیں اور عالمی خوراک پروگرام نے آٹے کے 5220 تھیلے بھیجے ہیں۔ایک پارسل سے پانچ افراد پر مشتمل ایک خاندان ایک ماہ تک گزارہ کر سکتا ہے۔
