کولکتہ(آئی این پی)چین بنگلہ دیش اور بھارت دونوں ممالک کے ساتھ مزید تعاون کا خواہاں ہے ، ہم دونوں ممالک بنگلہ دیش وبھارت سے ہر سطح پر تعلقات میں اضافہ کے خواہشمند ہیں ۔ بھارت کے ایک معروف اخبار ’’دی اکنامک ٹائمز‘‘ کے مطابق بھارت میں تعینات چینی قونصل جنرل ماژین وو نے کہا کہ چین بھارت وبنگلہ دیش کے ساتھ پر سطح پر تعاون میں میں فروغ کا خواہشمند ہے ۔ وہ یہاں صحافیوں سے بات چیت کر رہے تھے

۔انہوں نے کہا کہ چین بنگلہ دیش کے ساتھ بہت سے شعبوں میں تعاون کر رہا ہے اور اس تعاون کو ہم بڑھانا چاہتے ہیں ، اسی طرح ہم بھارت کے ساتھ بھی تعمیروترقی اور باہمی مفادات کے حامل دوسرے سیکٹرز میں بھی تعاون میں فروغ چاہتے ہیں ۔ چینی قونصل جنرل نے مزید کہا کہ ایک ملک کی تعمیروترقی دوسرے ممالک کیلئے بھی فائدہ مند ثابت ہوتی ہے تو پھر بہت سے ممالک عالمگیریت کے خیال سے دور کیوں بھاگ رہے ہیں ۔

موضوعات:چین